प्रधानमंत्री उज्ज्वला योजना ले जशपुर के मनखे मन ला मिलिस बड़ राहत, धुँवा ले मुक्ती के संग जीवन होइस आसान।”

रायपुर. प्रधानमंत्री उज्ज्वला योजना के बने संचालन ले जशपुर जिला के माई-लोगन मन के जिनगी मा सुग्घर बदलाव देखे बर मिलत हे। प्रधानमंत्री के मार्गदर्शन अउ मुख्यमंत्री विष्णु देव साय के सुशासन संकल्प के तहत राज्य मा जनकल्याणकारी योजना ला प्राथमिकता के संग लागू करे जात हे, ताकि हर पात्र परिवार ला बखत मा लाभ मिल सके।”

“जशपुर जिला मा अब तक 1 लाख 54 हजार ले जादा माई-लोगन मन ला ए योजना के तहत मुफत मा गैस कनेक्शन दे जा चुके हे। एखर ले मनखे मन ला पारंपरिक चूल्हा के धुँवा ले राहत मिलिस हे अउ ओमन के रोज के जिनगी ह जादा सुरक्षित अउ सुग्घर होगे हे।”

“अभी हाल मा विकासखंड बगीचा मा आयोजित एक कार्यक्रम के बखत पात्र हितग्राही ला गैस कनेक्शन बांटे गिस। ए मउका मा लाभ पाय वाला सरकार ला धन्यबाद दीन। बगीचा के रहइया क्रांति यादव ह बताइस कि अब ओला चूल्हा के धुँवा ले होवइया आँखि के जलन अउ साँस के तकलीफ ले छुटकारा मिलगे हे, जेखर ले अब ओ ह सफा-सुग्घर माहौल मा खाना बना सकत हे। वइसने, ग्राम मड़िया के फूलमती नगेसिया ह कहिस कि पहिली लकड़ी के चूल्हा मा राँधे-खाय बर बड़ मुस्किल होवत रहिस अउ घर मा धुँवा भर जावत रहिस, फेर अब गैस कनेक्शन मिले ले खाना बनाना आसान अउ सफा-सुग्घर होगे हे।”

“ए योजना ह न केवल माई-लोगन मन के सेहत मा सुधार लावत हे, बल्कि ओमन के बखत अउ श्रम  ला घलो बचावत हे। संगे-संग, पर्यावरण ला बचाय मा घलो एखर बड़ योगदान हे। जशपुर जिला मा एखर परभाव साफ-साफ देखे जा सकत हे, जिहाँ माई-लोगन मन के जिनगी के स्तर ह पहिली ले बने होगे हे अउ ओमन अब जादा सशक्त महसूस करत हें।”