मंत्री मन के राजीव भवन म बइठे के दिन होइस निर्धारित

जय जोहार रायपुर…. प्रदेश कांग्रेस मुख्यालय राजीव भवन म मंत्री मन के बइठे बर हरेक माह दु दिन निर्धारित करे गे हे। ताकि मंत्री मन ह कार्यकर्ता अऊ आम जनता के समस्या मन ले रूबरू होके ओखर निराकरण म पहल कर सके। ए निर्धारित छत्तीसगढ़ प्रभारी पीएल पुनिया, मुख्यमंत्री भूपेश बघेल अऊ पीसीसी अध्यक्ष मोहन मरकाम के निर्देश के अनुसार करे गे हे।

प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह बताइस कि पहिली ले निर्धारित होए के चलत सोमवार के पंचायत मंत्री टीएस सिंहदेव ह दोपहर तीन बजे राजीव भवन म उपस्थित होही। ए दौरान मंत्री ह कांग्रेस कार्यकर्ता अऊ आम जन मन ले भेंट करही। 16 मार्च के स्थान म परिवहन मंत्री मोहम्मद अकबर 18 मार्च के दोपहर एक बजे राजीव भवन म कांग्रेस कार्यकर्ता अऊ आम जन ले रूबरू होही।