कोरोना वायरस ले सावधानी, हितग्राही मन ले राशन दुकान म 31 मार्च तक नई लगवाए जाही बोयोमेट्रिक्स म अंगूठा

जय जोहार रायपुर…. राज्य शासन के तरफ ले प्रदेश म कोरोना वायरस के संक्रमण ले सुरक्षा बर निरंतर उपाय करे जात हे। खादय विभाग ह प्रदेश के सबो शासकीय उचित मूल्य के दुकान मन म खाद्यान्न अऊ राशन सामग्री के वितरण म आधार प्रमाणीकरण ल तत्काल प्रभाव ले 31 मार्च तक स्थगित करे के निर्णय ले हे।

ए अवधि म राशन दुकान मन ले राशन सामग्री वितरण के दौरान दुकानदार मन के तरफ ले हितग्राही मन ले बायोमेट्रिक्स प्रमाणीकरण नई कराए जाही। हितग्राही मन ल 31 मार्च तक राशन सामग्री के वितरण आधार प्रमाणीकरण के माध्यम ले न करत हुए टेबलेट म हितग्राही मन के फोटो लेके अऊ वन टाइम पासवर्ड के माध्यम ले करे जाही।

खाद्य विभाग के सचिव डॉ. कमलप्रीत सिंह ह आदेश ल जारी कर राज्य के सबो संभागायुक्त, कलेक्टर, सबो खाद्य नियंत्रक अऊ खाद्य अधिकारी मन ल शासन के निर्देश के पालन सुनिश्चित करे के निर्देश दे गे हे।