अब बस्तर के मास्क उपयोग करही राजधानी के लोग, कोरियर ले एम्स भेजे के होइस तैयारी

जय जोहार…. जगदलपुर के सरदार वल्लभ भाई पटेल वार्ड म रहवइया महफूजा हुसैन ह 10 जरूरतमंद महिला मन ल काम दिस। जेखर बाद ए महिला हिला मन ह पांच हजार मास्क के निर्माण करिन। जेला कोरियर के माध्यम ले राजधानी भेजे जात हे। अब एखर उपयोग राजधानी के लोग ह करही।

मास्क के बारे म जानकारी देत हुए महफूजा हुसैन ह बताइस कि ओखर तरफ ले एक टीम बनाय गिस, जेखर नाम आरफा दा हेल्पिंग रखे गिस। ए टीम के लोग मन ह शुरुआत म काफी मास्क बनाय के बाद शहर के 10 ले 11 वार्ड म घूम-घूम के जरूरतमंद मन ल बांटिस। ओखर बाद बाद हाल ही म रायपुर एम्स ले पांच हजार मास्क के आर्डर आइस। ए टीम ह 10 जरूरतमंद महिला मन ल एला बनाय ल काम सौंपिस। महिला मन ह तीन दिन के भीतर निर्माण शुरू कर दिस। मास्क ल सेनिटाइज करे के बाद कोरियर के माध्यम ले रायपुर भेजे गे हे।