राजधानी के ए तीन इलाके होइस कन्टेनमेंट जोन घोसित
जय जोहार…. राजधानी रायपुर म तीन इलाके ल कन्टेनमेंट जोन घोसित करे गे हे। ए घोसना ल रायपुर म गुरुवार के कोरोना संक्रमण के तीन नवा मामले मिले के बाद जिला प्रशासन ह करे हे। ए तीन इलाके म सब्बो दुकान, आफिस अऊ आन वाणिज्यिक प्रतिष्ठान ह अवइया आदेश तक बंद रही। सिरिफ होम डिलीवरी ले आवश्यक सामग्री ल दे जा सकही। सिरिफ मेडिकिल इमरजेंसी ल छोड़ के कोनो घलो अन्दर ले बाहर अऊ बाहर ले अन्दर नई जा सकही। वो घलो एक द्वार ले प्रवेश मिलही।
छत्तीसगढ़ सरकार के तरफ ले जारी गाइडलाइन के खाती बिरगांव, शहीद नगर थाना उरला म नवा कोरोना पाजिटिव मामला पाय जाय के बाद क्षेत्र ल कन्टेनमेंट जोन घोसित करे गे हे। अतिरिक्त जिला दंडाधिकारी ह पूर्व म प्रिंस किराना स्टोर से सामने अऊ श्री सिन्हा के मकान के पास, पश्चिम म सुरेश भारती के मकान अऊ नाला के पास, उत्तर म सूरज किराना स्टोर्स अऊ दक्षिण म रामचरण साहू के मकान ल कन्टेनमेंट जोन घोसित करे हे।
हिमालय हाइट्स, देवपुरी म नया कोरोना केस मिले के बाद क्षेत्र ल कन्टेनमेंट जोन घोसित करे गे हे। पूर्व हिमालयन हाइट्स फेस -2 मेन गेट 3 अऊ मेन गट, उत्तर पूर्व म हिमालयन हाइट्स मेन गेट 2, दक्षिण पूर्व म हिमालयन हाइट्स म गेट 1 ल कन्टेनमेंट जोन घोसित करे गे हे।
रामसागरपारा म कोरोना मरीज ह मिले के बाद कन्टेनमेंट जोन घोसित करे गे हे। एखर बर पश्चिम म दिनेश खण्डेलवाल के मकान, उत्तर पूर्व म राजेन्द्र शर्मा के मकान, दक्षिण म गुरु कृपा टेंट सप्लायर के सामने शनि मंदिर प्रवेश द्वार ल कन्टेनमेंट जोन घोसित करे गे हे।
