जय जोहार…. पर्यावरण संतुलन अउ वन क्षेत्र ल बढ़ाय के उद्देश्य ले सीआरपीएफ (crpf) ह पौधरोपण कार्यक्रम के शुरुआत करे हे।
सीआरपीएफ के तरफ ले पूरा देश म 22 लाख ले जियादा पौधा लगाय जावत हे।
छत्तीसगढ़ म घलो एक लाख 22 हजार 500 पौधा लगाय जाही। अम्बिकापुर के केपी म सीआरपीएफ (crpf) के 62वीं बटालियन के कैम्प म शुक्रवार के पौधरोपण करे गे हे।
ए दौरान अलग-अलग प्रजाति के 650 पौधे रोपे गिस। ए मउका म सीआरपीएफ के डीआईजी रायपुर सुब्रत कुमार मिश्रा की उपस्थिति म पौधरोपण करे गे हे।
ए दौरान डीआईजी ह बताइस कि सीआरपीएफ (crpf) के तरफ ले कई वर्ष ले पौधरोपण करे जावत हे। एखर पीछे पर्यावरण अउ परिवेश ल स्वच्छ अऊ हरे-भरे बनाय के उद्देश्य हे।
सरगुजा क्षेत्र म सरलघा ए मुहिम ल चलाय जावत हे। अब तक चार हजार पौधा लगाय जा चुके हे।
ए कार्यक्रम म 62वीं बटालियन के कमांडर मनीष कुमार मीणा, आरएन चौधरी, मुख्य चिकित्सा अधिकारी डॉ राजेश निर्वाल, सहायक कमांडेंट रामाराव एवं सीआरपीएफ के जवान उपस्थित रिहिस।
