Corona: राजधानी म फेर कोरोना के 9 मरीज के होइस पहचान, सक्रिय केस ह बाढ़ के अब 268

जय जोहार…. छत्तीसगढ़ म कोराना (corona) संक्रमित मरीज मन के संख्या ह कम होय के नाम नई लेवत हे। राजधानी रायपुर म आज फेर कोरोना के 9 संक्रमित मन के पहचान होय हे।

स्वास्थ्य विभाग के अनुसार आज जेन राजधानी में कोरोना (corona) के नवा मरीज मिले हे, ओमा सिमरन सिटी मठपुरैना ले एक, बेबीलोन होटल ले 2 कर्मचारी, फूल चौक बिरगांव, अभनपुर बेंद्री अउ श्रीनगर ले एक-एक अउ  शहरी क्षेत्र ले तीन मरीज ह शामिल हे।
बता देन कि राजधानी म कोरोना (corona) संक्रमित कुल मरीज मन के संख्या ह बाढ़ के 501 हो गे हे। जबकि सक्रिय मामले ह 268 पहुंच गे हे।

ऊहचे 233 लोगन मन ह बने होय के बाद अपने घर लहुट चुके हे। ए वायरस ले राजधानी म अब तक दू लोगन मन के मौत हो गे हे।