Shivrinarayan म सप्ताह म एक दिन मंगलवार के बन्द रही दुकान, व्यापारी मन ह करिन अपन दुकान ल बन्द रखे के समर्थन

जय जोहार…. जांजगीर चांपा जिला के शिवरीनारायण (Shivrinarayan) नगर म गुमास्ता एक्ट के नियम के तहत सप्ताह म एक दिन दुकान ल बन्द रखे जाही। जेमा नगर के दुकानदार मन ह मंगलवार के दिन अपन दुकान ल बन्द रखे के समर्थन करे हे।
आप मन ल बता देन कि श्रम विभाग ह गुमास्ता एक्ट के पालन कराय बर शिवरीनारायण (Shivrinarayan)  नगर पंचायत ले मुनादी कराय रिहिस। दावा-आपत्ति घलो मांगे गे रिहिस। जेमा ले 95 प्रतिशत व्यापारी मन के सहमति ले मंगलवार के दुकान ल बन्द किये जाना हे।

नगर के व्यापारी ह अपन प्रतिष्ठान ल बन्द करे बर सामने आय हे। शिवरीनारायण (Shivrinarayan)  के सब्बो व्यापारी मन ह अपन प्रतिष्ठान ल बन्द रखे के स्वागत करे हे। नगर पंचायत के सीएमओ ह मंगलवार के दुकान ल बन्द अउ गुमास्ता एक्ट के नियम के पालन करे ल केहे हे।