chhattisgarh के तीन आईएएस अफसर मन के प्रभार म हो गे बदलाव, पढो पूरा खबर

जय जोहार…. सरकार ह तीन आईएएस अफसर मन के प्रभार म बदलाव करे हे। (chhattisgarh) आईएएस अवनीश शरण ल राज्य कौशल विकास अभिकरण के सीईओ के अतिरिक्त प्रभार दे गे हे। आईएएस अवनीश शरण ल अब संचालक तकनीकी शिक्षा, रोजगार अउ प्रशिक्षण के संगेसंग राज्य कौशल अभिकरण के जिम्मेदारी दे गे हे।
आईएएस नीलेश क्षीरसागर ल छ्त्तीसगढ़ राज्य भंडार गृह निगम के अतिरिक्त प्रभार दे गे हे। (chhattisgarh) आईएएस नीलेश क्षीरसागर ह संचालक कृषि के संगेसंग राज्य ग्रामीण आजीविका मिशन के मिशन संचालक अउ भंडार गृह निगम के काम ल देखही।
आईएएस एलेक्स पॉल मेनन ल छ्त्तीसगढ़ (chhattisgarh) राज्य भंडार गृह निगम के प्रबंध संचालक के प्रभार ले मुक्त कर दे गे हे। आईएएस एलेक्स पॉल मेनन ह  विशेष सचिव खाद्य नागरिक आपूर्ति अउ उपभोक्ता संरक्षण विभाग के संगेसंग स्टेट वेयर हाउसिंग कार्पोरेशन के प्रबंध संचालक के काम ल संभालही।