chhattisgarh: स्कूली लईका मन ल मिलही 45 दिन के सूखा राशन, जिला शिक्षा अधिकारी मन ल होइस निर्देश जारी
जय जोहार…. छत्तीसगढ़ (chhattisgarh) के सबो स्कूली लईका मन ल कोरोना संक्रमण काल म स्कूल के बंद रहे के अवधि म मध्यान्ह भोजन योजना के तहत सूखा राशन के वितरण करे जावत हे।
सूखा राशन के वितरण ल लईका मन के पालक ल स्कूल म बुला के या घर-घर पहुंचा के दे जाही।
(chhattisgarh) स्कूल शिक्षा मंत्री प्रेमसाय सिंह टेकाम ह कहिन कि राज्य सरकार के निर्णय के अनुसार स्कूली लईका मन ल स्कूल बंद रहे के अवधि म 45 दिन के मध्यान्ह भोजन योजना के तहत सूखा राशन ल वितरण करे जाही।
ए संबंध म संचालक लोक शिक्षण जितेंद्र शुक्ला ह सबो जिला शिक्षा अधिकारी मन ल दिशा-निर्देश जारी करे हे।
जारी निर्देश म केहे गे हे कि (chhattisgarh) कोरोना संक्रमण काल म स्कूल बंद रहे के अवधि म लईका मन ल मध्यान्ह भोजन के तहत गरम पका भोजन नई दे जा सकथे।
खाद्य सुरक्षा भत्ता के रूप म लईका मन ल सूखा चावल अउ कुकिंग कास्ट के राशि ले आन सामग्री दाल, तेल, सूखी सब्जी आदि के वितरण ल करे जाही।
शिक्षा विभाग ले प्राप्त जानकारी के मुताबिक प्राथमिक स्कूल म 45 दिन बर प्रति छात्र चावल 4500 ग्राम, दाल 900 ग्राम, अचार 300 ग्राम, सोया बड़ी 450 ग्राम, तेल 225 ग्राम अउ नमक 250 ग्राम प्रदान करे जाना हे।
अइसने माध्यमिक स्कूल म 45 दिन बर प्रति छात्र 6750 ग्राम चावल, दाल 1350 ग्राम, आचार 450 ग्राम, सोया बड़ी 675 ग्राम, तेल 350 ग्राम अउ नमक 350 ग्राम प्रदान करे जाना हे। स्कूल बर चावल ल पूर्व के तरह उचित मूल्य के दुकान ले प्रदाय करे जाही।
