जय जोहार…. छत्तीसगढ़ म कोरोना (corona) संक्रमित मरीज मन के कुल संख्या ह 7613 पहुंच गे हे। जेमा ले 4949 लोगन मन ह कोरोना ल मात दे दे हे,
जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। जबकि प्रदेश म अब तक 43 लोगन मन के जान चले गे हे। बता देन कि छत्तीसगढ़ म 2 लाख 86 हजार 291 लोगन मन के घलो सैंपल जांच करे गे हे।
उहचे मरीज मन के बाढ़त संख्या ल देखत हुये शासन ह बाल्को रायपुर, एमएमआई एवं अपोलो बिलासपुर अस्पताल ल इलाज की अनुमति दे हे।
गौरतलब हे कि छत्तीसगढ़ म पिछिले 24 घंटा म कोरोना (corona) के 429 नवा मरीज मन के पहचान होय हे। जेमा रायपुर ले 199, दुर्ग ले 84, बिलासपुर ले 22, बलौदाबाजार ले 16, राजनांदगांव ले 19, बीजापुर अउ दंतेवाड़ा ले 11-11 मरीज मिले हे।
एखर संग सुकमा ले 9 , रायगढ़ ले 7, कांकेर ले 6, बेमेतरा अउ मुंगेली ले 3-3, सूरजपुर अउ कबीरधाम ले 2-2, बालोद, महासमुंद, कोरिया अउ सरगुजा ले 1-1 मरीज शामिल हे।
उहचे ए वायरस ले चार लोगन मन के मौत हो गे हे। एमा नवापारा निवासी महिला के 24 जुलाई के मेकाहारा म मौत हो गई। ओखर मौत के बाद आय रिपोर्ट ह पाजिटिव रिहिस।
सूरजपुर के 20 वर्षीय युवक ल सांस ले म तकलीफ रिहिस। ओला बेहोशी के हालत म सीएचसी बिहार पुर ले लाय गिस। सर्दी, कफ, खांसी ले पीड़ित युवक ह कोरोना पाजिटिव पाय गे रिहिस।
ओखर अंबिकापुर मेडिकल अस्पताल म शिफ्टिंग के दौरान मौत हो गे रिहिस।
एखर आलावा दुर्ग म 72 वर्ष के महिला ल घलो सांस ले म तकलीफ अउ बुखार ले पीड़ित रिहिस। 25 जुलाई के सेक्टर 9 अस्पताल भिलाई म ओखर मौत हो गई।
जेखर बाद ओखर रिपोर्ट ह पाजिटिव आय रिहिस। प्रदेश म कोरोना के कुल संक्रमित मन के संख्या ह 7613 हो गे हे।
जेमा ल एक्टिव मामला ह 2626 हे, जेखर मन के अलग-अलग कोविड अस्पताल म इलाज चलत हे। उहचे 4949 लोगन मन ल बने होय के बाद अस्पताल ले छुट्टी दे दे गे हे।
उहचे रायपुर म कोरोना (corona) मरीज मन के कुल संख्या ह 2187 हो गे हे। जेमा ले 916 लोगन मन ल बने होय के बाद अस्पताल ले छुट्टी दे दे गे हे।
जबकि 1252 एक्टिव मामला हे, जेखर इलाज चलत हे। उहचे रायपुर म सबले जादा 19 लोगन मन के मौत हो गे हे।
