जय जोहार…. (chhattisgarh) अवइया धान खरीदी बर आज मंत्रिमण्डलीय उपसमिति के बइठक ह मंत्रालय म होय हे। एखर अध्यक्षता ल खाद्य मंत्री अमरजीत भगत ह करिन।

खाद्य मंत्री  भगत के अध्यक्षता म गठित मंत्रिमण्डरीय उपसमिति म कृषि मंत्री रविंद्र चौबे, वन मंत्री मोहम्मद अकबर, कैबिनेट मंत्री प्रेमसाय सिंह टेकाम अउ उमेश पटेल ह शामिल हे।

(chhattisgarh) ए बइठक म धान अउ मक्का खरीदी बर नीति ल तय करे गे हे। एखर अनुसार अवइया खरीफ विपणन वर्ष 2020-21 म राज्य के किसान मन ले समर्थन मूल्य म धान अउ मक्का खरीदी करे बर किसान पंजीयन के समय 17 अगस्त ले 21 अक्टूबर तक तय करे गे हे।

विगत खरीफ वर्ष 2019-20 म पंजीकृत किसान मन ल खरीफ विपणन वर्ष 2020-21 बर पंजीकृत माने जाय के निर्णय ले गे हे।

(chhattisgarh) एखर बर विगत खरीफ वर्ष 2019-20 म पंजीकृत किसान मन के दर्ज भूमि अउ धान के रकबा, खसरा के जानकारी ल राजस्व विभाग के माध्यम ले अद्यतन कराये जाही। नवा किसान मन के पंजीयन ल तहसीलदार के माध्यम ले करे जाही।