Gariaband: 171 नग हीरा के संग तस्कर ल पुलिस ह करिन गिरफ्तार, पढो पूरा खबर

जय जोहार…. गरियाबंद (Gariaband) जिला म अपराध रोके बर बनाय गे स्पेशल टीम ल एक बार फेर बड़का सफलता मिले हे। सनिच्चर रात के स्पेशल टीम ह एक हीरा तस्कर ल गिरफ्तार करे हे।

ओखर पास ले 171 नग हीरा बरामद करे गे हे। जब्त हीरा के कीमत ल ढाई लाख रूपिया बतावत जात हे। पकड़े गे हीरा तस्कर ल ओडिशा के नुवापाड़ा जिला के रहवइया बताय गे हे।

बता दन कि (Gariaband) नवा पुलिस कप्तान के पदभार लेवत ही हीरा तस्कर के खिलाफ चार बड़का कार्रवाई हो चुके हे। जेमा आधा दर्जन ले जादा तस्कर ल गिरफ्तार करे जा चुके हे। (Gariaband) पूरा कार्रवाई म स्पेशल टीम अऊ एसपी के इंटलिजेंसी के अहम भूमिका ह अहम रहे हे। कार्रवाई म 300 ले जादा नगर हीरा बरामद हो चुके हे।