cm भूपेश बघेल ह कोरोना विजय रथ ल हरी झंडी दिखा के करिन रवाना

जय जोहार…. सीएम (cm) भूपेश बघेल ह आज बिहिनिया अपन निवास परिसर म कोरोना संक्रमण के प्रभावी रोकथाम बर रायपुर शहर अऊ ग्रामीण क्षेत्र म जागरूकता कार्यक्रम के तहत कोरोना विजय रथ ल झंडा दिखा के रवाना करे हे।
ए अवसर म सीएम (cm) बघेल ह आम लोगन मन ल कोरोना संक्रमण के रोकथाम अऊ बचाव के गाइलाइन के पालन करे के अपील करीन। सीएम ह कहिन कि फिजिकल डिस्टेंस के पालन करे, मास्क लगाए, सेनेटाइजर साबुन ले हाथ धोए अऊ भीड़ म जाए ले बचे।
सीएम (cm) बघेल ह कहिन कि राज्य सरकार ह पुरा ताकत ले ए लड़ाई म जुटे हे। सामाजिक अऊ औद्योगिक संगठन के जुड़े ले हमर मन के ताकत ह बाढ़ गे हे। सबो के सहयोग ले हमन ह कोरोना ले लड़ाई अवश्य जीतबो।