Corona: देश म पिछिले 24 घंटा म सामने आय हे 71869 नवा मरीज, पढो पूरा खबर

जय जोहार…. देश म पिछिले 24 घंटा म कोरोना (Corona) के 71 हजार ले जादा कोरोना के नवा मरीज के पहचान होय हे। उहचे 81945 मरीज मन ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान 990 संक्रमित मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश में पिछिले 24 घंटा म कोरोना के 71869 नवा मामला मिले हे। एला मिला के कोरोना (Corona) संक्रमित मन के संख्या ह बाढ़ के 67 लाख 54 हजार 179 हो गे हे।

जेमा ले 9 लाख 7 हजार 379 एक्टिव मामला हे। उहचे 57 लाख 41 हजार 153 लोगन मन ल बने होय के बाद अस्पताल ले डिस्चार्ज कर दे गे हे। (corona) ए वायरस ले अब तक देश म 104591 लोगन मन के मौत हो गे हे।