corona: छत्तीसगढ़ के एक अऊ मंत्री के कोरोना जांच रिपोर्ट आय हे पाजिटिव, पढो पूरा खबर

जय जोहार….छत्तीसगढ़ म कोरोना (corona) ले जुड़े एक बड़का खबर सामने आवत हे। प्रदेश के उच्च शिक्षा मंत्री उमेश पटेल के कोरोना जांच रिपोर्ट ह पाजिटिव आय हे। एखर जानकारी ल मंत्री उमेश पटेल ह स्वयं सोशल मीडिया म दे हे। मंत्री पटेल ह अपन संपर्क म आय लोगन मन ले कोरोना टेस्ट कराय के बात कहे हे।

मंत्री उमेश पटेल ह सोशल मीडिया म लिखे हे कि मे हा सनिच्चर के कोरोना (corona) जांच कराय रहेव, जेमा मे हा पाजिटिव पाय गे हों। मे हा अभी स्वस्थ हों, जेन अभी कुछ दिन म मोर संपर्क म आय हे, ओ सबो लोगन मन ले मोर निवेदन हे कि स्वयं ल क्वारंटाइन कर ले अउ अपन टेस्ट जरूर कराए।

बता दन कि एखर पहिले राज्य के महिला अऊ बाल विकास मंत्री अनिल भेंड़िया घलो कोरोना (corona) संक्रमित मिले रिहिन। वो हा अपन इलाज ल रायपुर निवास म होम आइसोलेशन म रह के करवाय रिहिन। एखर आलावा कई विधायक मन ह घलो कोरोना पाजिटिव मिल चुके हे।