Corona: प्रदेश म बीते 24 घंटा म मिले हे 2515 नवा मामला, राजधानी म घलो 182 पाजिटिव
जय जोहार…. प्रदेश म बीते 24 घंटा म कोरोना (Corona) के 2515 नवा मामला सामने आय हे। उहचे 509 मरीज मन ल अस्पताल अऊ 2223 ल होम आइसोलेशन ले डिस्चार्ज कर दे गे हे। जबकि इलाज के दौरान 7 संक्रमित मन के मौत हो गे हे।
सनिच्चर के जेन कोरोना (Corona) के नवा मरीज मिले हे, ओमा जांजगीर-चांपा ले 236, रायगढ़ ले 224, रायपुर ले 182, राजनांदगांव ले 167, दुर्ग ले 164, कोरबा ले 163, बिलासपुर ले 151, बस्तर ले 126, कोंडागांव ले 114, महासमुंद ले 91, सरगुजा ले 88, दंतेवाड़ा ले 84, धमतरी ले 83, कांकेर ले 79, बालोद ले 68, सूरजपुर ले 51, बीजापुर अऊ बलरामपुर ले 49-49, कबीरधाम अऊ बलौदाबाजार ले 43-43, जशपुर ले 41, कोरिया ले 40, गरियाबंद ले 39, बेमेतरा अऊ मुंगेली ले 38-38, नारायणपुर ले 31, सुकमा ले 27, गौरेला-पेंड्रा-मरवाही ले 5 मरीज शामिल हे।
बता दन कि प्रदेश म कोरोना (Corona) संक्रमित मन के संख्या ह 158502 हो गे हे। जेमा ले 27180 एक्टिव मामला हे। उहचे 129883 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1439 लोगन मन के मौत हो गे हे।
