Corona: देश म पिछिले 24 घंटा म सामने आय हे 54 हजार ले जादा नवा मरीज, 690 लोगन मन के हो गे मौत

जय जोहार…. देश म बीते 24 घंटा म कोरोना (corona) के 54 हजार ले जादा नवा मामला मिले हे। उहचे 73979 लोगन मन ह बने होय के बाद अस्पताल ले छुट्टी दे दे गे है। जबकि इलाज के दौरान 690 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म 54366 नवा मामला के पहचान होय हे। एला मिला के देश म कोरोना (Corona) संक्रमित मरीज मन के संख्या ह बाढ़ के 77 लाख 61 हजार 312 पहुंच गे हे।

जेमा ले 6 लाख 95 हजार 509 एक्टिव मामला हे। उहचे 69 लाख 48 हजार 497 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल से डिस्चार्ज कर दे गे हे। ए वायरस ले देश म अब तक 117306 लोगन मन के मौत हो गे हे।