Corona: देश म पिछिले 24 घंटा म मिले हे 46253 नवा मरीज, 514 लोगन मन के हो गे मौत

जय जोहार…. देश म पिछिले 24 घंटा म कोरोना (corona) के 46 हजार ले जादा नवा मरीज के पहचान होय हे। जबकि इलाज के दौरान 514 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 46253 नवा मरीज मिले हे। एला मिला के देश म कोरोना संक्रमण के मामला ह बाढ़ के 83 लाख 13 हजार 876 पहुंच गे हे। जेमा ले 5 लाख 33 हजार 787 एक्टिव मामला हे।

उहचे 76 लाख 56 हजार 478 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 23 हजार 611 लोगन मन के मौत हो गे हे।