Chhattisgarh: स्वास्थ्य मंत्री सिंहदेव ह वायु प्रदूषण के खतरा ले जागरूक करे ल पोस्टर के करिन विमोचन

जय जोहार…. (Chhattisgarh) स्वास्थ्य मंत्री टीएस सिंहदेव ह रायपुर म सिविल लाइन के अपन शासकीय आवास म स्वास्थ्य विभाग के तरफ ले तैयार वायु प्रदूषण अऊ एखर खतरा के बारे म जागरुकत करे वाला पोस्टर के विमोचन करे हे।

(Chhattisgarh) राज्य सरकार के स्वास्थ्य अऊ परिवार कल्याण विभाग के तरफ ले संचालित राज्यव्यापी अभियान के तहत लोगन मन ल जागरूक करे बर ये पोस्टर ल तैयार करे गे हे। ए पोस्टर ले लोग न मन ल वायु प्रदूषण के खतरा, एखर ले होवइया बीमारी अऊ ओखर ले बचाव के बारे म जागरूर करे जाही।

ए अवसर म (Chhattisgarh) स्वास्थ्य मंत्री टीएस सिंहदेव ह उम्मीद जताइस कि यह अभियान राज्य के हरेक नागरिक तक पहुंचही अऊ ओ मन ल वायु प्रदूषण के खतरा, एखर ले होय वाला बीमारी अऊ ओखर बचाव के बारे म जागरूक करही।