जय जोहार…. (Raipur) सीएम भूपेश बघेल ह बूढ़ातालाब विवेकानंद सरोवर तट म छत्तीसगढ़ लोककला शिल्प संसार विक्रय सह प्रदर्शनी के अवलोकन करिन।
सीएम बघेल ह रायपुर (Raipur) प्रशासन के मदद ले संचालित महिला स्व सहायता समूह बिहान, नगर निगम के महिला स्व सहायता समूह, छत्तीसगढ़ माटी बोर्ड, बिलासा हेन्डलूम एम्पोरियम, छत्तीसगढ़ खाद्य अऊ ग्रामोद्योग बोर्ड अऊ छत्तीसगढ़ हस्त शिल्प बोर्ड के तरफ ले बनाय गे मिट्टी अऊ गोबर के दीये, पूजन सामग्री, लोक शिल्प सामग्री समेत आन पारंपरिक कला के माध्यम ले निर्मित सामग्री के अवलोकन करे हे।
ए अवसर म सीएम बघेल ह महिला स्व सहायता समूह के महिला, दिव्यांग अऊ कुम्हार मन ले बातचीत करिन। उल्लेखनीय हे कि रायपुर (Raipur) जिला के बिहान समूह के महिला मन ह न केवल मिट्टी अऊ गोबर ले बने आकर्षक दीये, मूर्ति अऊ पूजन सामग्री बनावत हे, बल्कि अलग-अलग प्रकार के साबुन, बेकरी, कुकीज, आचार जइसे आन सामग्री घलो बनावत हे। ये सामग्री ल बनाय म गोधन न्याय योजना घलो बेहद सार्थक साबित होवत हे।
