Jagdalpur: संसदीय सचिव ह 303 छात्रा मन ल करिन साइकिल के वितरण, पौधरोपण घलो

जय जोहार…. (Jagdalpur) जगदलपुर के महारानी लक्ष्मी बाई शासकीय कन्या माध्यमिक विद्यालय म कक्षा नवमी के छात्रा मन ल साइकिल के वितरण करे गे हे। ए वितरण ल संसदीय सचिव अऊ विधालय रेखचंद जैन ह करिन।

विद्यालय के साइकिल वितरण प्रभारी शिक्ष दिनेश अटभैया ह बताइस कि ए कार्यक्रम म 303 छात्रा मन ल साइकिल के वितरण करे गे हे। ए अवसर म (Jagdalpur) संसदीय सचिव रेखचंद जैन ह छात्रा मन ल स्वामी विवेकानंद के विचार उठो-जागो अऊ तब तक रूको मत जब तक लक्ष्य प्राप्त न हो ल ग्रहण कर आत्मसात करे ल किहिस। उहचे कोविड 19 महामारी के दौरान शिक्षक मन के अध्यापन कार्य करे के सराहना करिन।

संस्था के प्राचार्य वंदना मदनकर ह बताइस कि कोविड 19 के दौरान संस्था म कई कार्यक्रम रंगोली, निबंध, चित्रकला समेत कई प्रतियोगिता आनलाइन करे गिस। ए प्रतियोगिता म सफल छात्रा मन ल घलो सम्मानित करे गिस।

ए कार्यक्रम म (Jagdalpur) महापौर सफीरा साहू, सभापति कविता साहू, जिला कांग्रेस कमेटी के अध्यक्ष राजीव शर्मा, यशवर्धन राव, हेमू उपाध्याय, बीइओ एमएस भारद्वाज समेत आन अतिथि ह उपस्थित रिहिन। मंच के संचालन शिक्षक हेमंत शांडिल्य ह करिन। ए आयोजन बर विद्यालय की प्राचार्य वंदना मदनकर , स्कूल प्रबंधन समिति के सदस्य अऊ सबो स्टाफ के तरफ ले आभार व्यक्त करे गिस।