जय जोहार…. कोंडागांव प्रवास के दौरान सीएम (cm) भूपेश बघेल ह जामकोटपारा म स्वामी आत्मानंद शासीय उत्कृष्ट अंग्रेजी माध्यम विद्यालय के लोकार्पण करे हे। ए विद्यालय के निर्माण 4 करोड़ 37 लाख रुपया के लागत ले करे गे हे।
ए दौरान सीएम (cm) बघेल ह विद्यालय के अवलोकन के दौरान शैक्षणिक अऊ खेल-कूद गतिविधि म घलो भाग ले हे। ए अवसर म सीएम भूपेश बघेल ह अलग-अलग क्लास रूम, वाचनालय, प्रयोगशाला, खेलकूद जोन, कला अऊ संस्कृति समेत अलग-अलग कक्षा म जा के विद्यार्थी अऊ शिक्षक मन ल चर्चा करिन।
विद्यालय के लोकार्पण के बाद सीएम (cm) भूपेश बघेल ह सबले पहिले रसायन प्रयोगशाला ल देखे ल गिस, जिहां सीएम बघेल ल कक्षा दसवीं के छात्र निखिल कुमार ह गुड़हल के फूल के रासायनिक अभिक्रिया के बारे म लैब परीक्षण कर के अंग्रेजी म जानकारी दिस।
ए अवसर म राज्यसभा सांसद फूलोदेवी नेताम, कमिश्नर जीआर चुरेन्द्र, पुलिस महानिरीक्षक सुन्दरराज पी., कलेक्टर पुष्पेंद्र मीणा, एस.पी सिद्धार्थ तिवारी समेत स्थानीय जनप्रतिनिधि अऊ वरिष्ठ नागरिक मन ह उपस्थित रिहिन।
