Corona: प्रदेश म पिछिले 24 घंटा म होय हे कोरोना के 322 नवा मरीज के पहचान, रायपुर म घलो 97 पाजिटिव

जय जोहार…. छत्तीसगढ़ म पिछिले 24 घंटा म कोरोना (Corona) के 322 नवा मरीज के पहचान होय हे। उहचे 520 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 3 मरीज के मौत हो गे हे।

प्रदेश म बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 97, दुर्ग ले 50, धमतरी ले 22, बिलासपुर अऊ सूरजपुर ले 18, कोरबा ले 16, महासमुंद ले 15, राजनांदगांव ले 13, रायगढ़ ले 11, जशपुर ले 9, कोरिया ले 7, गरियाबंद अऊ बलौदाबाजार ले 6-6, जांजगीर-चांपा, बस्तर अऊ कांकेर ले 5-5 मरीज सामिल हे।

बता देन कि प्रदेश म कोरोना (Corona) संक्रमण के मामला ह बाढ़ के 3 लाख 05 हजार 689 हो गे हे। जेमा ले 4124 एक्टिव मामला हे। उहचे 2 लाख 97 हजार 859 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 3706 संक्रमित मन के मौत हो गे हे।