Chhattisgarh युवा कांग्रेस के तीन दिनी प्रशिक्षण शिविर ह 6 फरवरी ले होही सुरू, पढ़व
जय जोहार…. छत्तीसगढ़ (chhattisgarh) युवा कांग्रेस के तीन दिनी युवा क्रांति बनियादी प्रशिक्षण शिविर ल 6 ले 8 फरवरी तक शगुन फार्म रायपुर म लगाय जाही। ए आयोजन ल भारतीय युवा कांग्रेस के राष्ट्रीय प्रभारी कृष्णा अल्लावारु, राष्ट्रीय अध्यक्ष बीवी श्रीनिवास के दिशा-निर्देश अऊ छत्तीसगढ़ युवा कांग्रेस प्रभारी संतोष कोलकुंडा, सहप्रभारी एकता ठाकुर मार्गदर्शन म करे गे हे। ये जानकारी ल प्रदेश युवा कांग्रेस अध्यक्ष पूर्णचंद काको पाढ़ी अऊ प्रदेश युवा कांग्रेस के ट्रेनिंग चेयरमैन अशरफ हुसैन ह पत्रकार वार्ता म दे हे।
(chhattisgarh) कांग्रेस पार्टी म युवा ल वैचारिक रूप ले मजबूत अऊ राजनीतिक रूप ले जागरूक कर के देश के वर्तमान चुनौती के सामना करे बर ए प्रशिक्षण शिविर के आयोजन करे गे हे। ए शिविर म युवा कांग्रेस के राष्ट्रीय ट्रेनिंग प्रभारी सीताराम लांबा के अध्यक्षता वाला सात सदस्य मन के दल ह युवा कांग्रेस कार्यकर्ता मन ल कांग्रेस के इतिहास अऊ विचारधारा के जानकारी देही। संगेसंग चुनाव प्रबंधन, बूथ प्रबंधन, मीडिया अऊ सोशल मीडिया ले जुड़े बारीकी के जानकारी घलो प्रदान करही।
छत्तीसगढ़ (chhattisgarh) कांग्रेस के सहप्रभारी चंदन यादव अऊ प्रदेश कांग्रेस अध्यक्ष मोहन मरकार ह ए युवा कांग्रेस के ए प्रशिक्षण शिविर उद्घाटन करही। ए प्रशिक्षण शिविर म अखिल भारतीय कांग्रेस कमेटी, प्रदेश कांग्रेस कमेटी के पदाधिकारी समेत छत्तीसगढ़ ले युवा कांग्रेस के राष्ट्रीय पदाधिकारी ह घलो सामिल होही।
