chhattisgarh: एयरपोर्ट अउ रेलवे स्टेशन म होही आरटीपीसीआर जांच, पढ़व पूरा खबर

जय जोहार…. (chhattisgarh) सीएम भूपेश बघेल ह आज राज्य म कोरोना संक्रमण के रोकथाम, बचाव अउ कोरोना संकट के दौर म आर्थिक गतिविधि के संचालन के संबंध म राजधानी के अलग-अलग मीडिया संस्थान के संपादक मन के संग वर्चुअल बइठक म विचार-विमर्श करिन अऊ सुझाव मांगे हे।

ए दौरान (chhattisgarh) सीएम बघेल ह कहिन कि वर्तमान बेरा म कोरोना संक्रमण म तेजी चिंताजनक हे। राज्य सरकार के तरफ ले कोरोना संक्रमण के रोकथाम अऊ मरीज मन के इलाज बर सबो उपाय अउ प्रबंध दे जावत हे। सामाजिक संगठन के घलो एमा सहयोग ले जावत हे।

(chhattisgarh) सीएम बघेल ह मीडिया ले कोरोना संक्रमण ले बचाव अउ कोरोना टीकाकरण के संबंध म जनजागरूकता बर सहयोगी के अपील करिन। ए अवसर म मुख्यमंत्री के सलाहकार रूचिर गर्ग, जनसम्पर्क सचिव डी.डी. सिंह अऊ मुख्यमंत्री के सचिव सिद्धार्थ कोमल सिंह परदेशी घलो उपस्थित रिहिन।