Corona : देश म 24 घंटा म बाढ़ गे कोरोना के 2.34 लाख नवा मरीज, पढ़व

जय जोहार…. देश म पिछिले 24 घंटा म कोरोना (Corona) के 2.34 लाख नवा मरीज सामने आय हे। उहचे 1 लाख 23 हजार 354 मरीज मन ल बने होय के बाद अस्पताल छुट्‌टी दे दे गे हे। जबकि उपचार के दौरान 1341 संक्रमित के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) 2 लाख 34 हजार 692 नवा मरीज मिले हे। एला मिला देश म कोरोना संक्रमित मन के संख्या ह 1 करोड़ 45 लाख 26 हजार 609 हो गे हे। जेमा ले 16 लाख 79 हजार 740 ले जादा एक्टिव मामला हे।

उहचे 1 करोड़ 26 लाख 71 हजार 220 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 75 हजार 649 मरीज के मौत हो गे हे।