जय जोहार…. (Raipur) सीएम भूपेश बघेल ह आज रायपुर म माना एयरपोर्ट के सामने जैनम मानस भवन म सबो सुविधा ले युक्त 100 बिस्तर के जैनम कोविड हास्पिटल के सुभारंभ करे हे। सीएम बघेल ह जैन समाज के सहयोग ले निर्मित ए मुफ्त हास्पिटल के सुभारंभ ल रायपुर के अपन निवास कार्यालय ले वीडियो कांफ्रेंसिंग ले करिन। ए हास्पिटल म वेंटिलेटर, 6 आईसीयू बेड, 42 आक्सीजन बेड, पैथालाजी लैब, एंबुलेंस समेत डॉक्टर मन के सुविधा ह उपलब्ध हे।
ए अवसर म (Raipur) सीएम बघेल ह कहिन कि छत्तीसगड़ म कोरोना ल हराय म शासन के संगेसंग सबो वर्ग अउ समाज के मनखे मन के महत्वपूर्ण भागीदारी रहे हे। जैन समाज अउर शासन के सहयोग ले स्थापित ये नवा अस्पताल कोविड के खिलाफ हमर मन के लड़ाई ल अउ मजबूत करही। जैन समाज ह ए विकट परिस्थिति म घलो मानवता के सेवा बर प्रभावी पहल करे हे। ये दूसर सराज अउ संगठन बर प्रेरणादायी हे।
(Raipur) सीएम बघेल ह कहिन कि कोविड के दूसरइया लहर के दौरान तेजी ले बाढ़ते संक्रमण ह पूरा देश म कई तरह के चुनौती उपस्थित करे हे। एखर तहत मरीज मन के संक्या म बढ़ोतरी ले संसाधन के कमी होय लगे रिहिन। लेकिन छत्तीसगढ़ म जतना तेजी के संग संक्रमण ह फैले हे, हमन ह उतना ही तेजी ले नियंत्रित करे म सफलता घलो पाये हन। इहां स्वास्थ्य सुविधा समेत आवश्यक संसाधन के तेजी ले विस्तार करे गे हे। राज्य म बेहतर कोविड प्रबंधन के सेती आज हमन ह संक्रमण के गति ल कम करे म सफल हो गे हन।
