corona ले पूर्व केंद्रीय मंत्री अजीत सिंह के हो गे निधन, अस्पताल म चलत रिहिस इलाज

जय जोहार… राष्ट्रीय लोक दल के राष्ट्रीय अध्यक्ष अउ पूर्व केंद्रीय मंत्री चौधरी अजीत सिंह के कोरोना (corona) संक्रमण ले निधन हो गे। मंगलवार रात ले ओखर हालत ह नाजुक रिहिन। ओ हा गुरुग्राम के प्राइवेट अस्पताल म भर्ती रिहिन।

फेफड़ा म संक्रमण बाढ़ने के सेती ओखर हालत नाजुक हो गिस। (corona) ओ हा 22 अप्रैल के कोरोना पाजिटिव हो गे रिहिन। चौधरी अजीत सिंह ह बागपत ले 7 घांव सांसद अउ केंद्रीय मंत्री रह चुके हे।

2001 ले 2003 तक ओ हा अटल बिहारी सरकार म कृषि मंत्री अउ 2011 म यूपीए सरकार म नागरिक उड्‌डयन मंत्री रह चुके हे। (corona) पश्चिमी यूपी म चौधरी अजीत सिंह ह जाट मन बड़का नेता माने जावत रिहिन।