National: अस्पताल म भर्ती बर नई होही अब कोरोना रिपोर्ट के जरूरत, केंद्र ह करिन बड़का बदलाव, पढ़व

जय जोहार…. (National) केन्द्र सरकार ह सनिच्चर के कोविड-19 के इलाज ल लेके अहम बदलाव करे हे। अब मरीज मन ल अस्पताल म भर्ती करवाए बर कोविड 19 के पाजिटिव रिपोर्ट के जरूरत नई होही।

पहले अस्पताल म भर्ती करवाए बर कोविड के पाजिटिव रिपोर्ट या फेर सिटी स्कैन के जरूरत होवत रिहिन। कोरोना मरीज मन के कोविड सुविधा म भर्ती करवाय बर राष्ट्रीय नीति म संशोधन करे गे हे। (National) स्वास्थ्य मंत्रालय ह कहिन कि कोरोना के संदिग्ध मामला अगर होवत हे, त ओला सीसीसी, डीसीएचसी या डीएससी वार्ड म भर्ती करे जाए। कोनो मरीज ल सर्विस दे बर इंकार नई करे जा सकत हे। एमा आक्सीजन या आवश्यक दवा घलो साल हे। भले ही मरीज ह कोनो दूसर शहर के ही काबर न हो।

(National) मंत्रालय ह आगू जानकारी दे हे कि कोनो मरीज ल ए आधार म प्रवेश दे ले मना नई करे जा सकत हे, कि ओखर करा ओ शहर के वैलिड आईडी कार्ड नई है, जिहां अस्पताल स्थित हे। अस्पताल म एंट्री जरूरत के हिसाब ले होही।