Chhattisgarh: रेडियो म हमर ग्रामसभा कार्यक्रम ह काली होही प्रसारित, पढ़व
जय जोहार…. (Chhattisgarh) रेडियो म हमर ग्रामसभा कार्यक्रम के प्रसारण ह 9 मई के होही। ए कार्यक्रम म पंचायत अउ स्वास्थ्य मंत्री टीएस सिंहदेव ह प्रदेश म कोरोना संक्रमण के नियंत्रण अउ रोकथाम बर शासन के तरफ ले करे गे व्यवस्था के जानकारी देही।
(Chhattisgarh) रेडियो म ए कार्यक्रम ल रविवार के शाम 7.30 बजे ले 8 बजे तक प्रसारित करे जाही। स्वास्थ्य मंत्री सिंहदेव ह कार्यक्रम म कोविड 19 ले बचे के उपाय अउ आवश्य सावधानी ल घलो बताही।
पंचायत अउ ग्रामीण विकास विभाग, ठाकुर प्यारेलाल पंचायत अउ ग्रामीण विकास संस्थान निमोरा के तरफ ले तैयार करे गे कार्यक्रम हमर ग्रामसभा के 9 मई के 41वीं कड़ी के प्रसारण करे जाही। (Chhattisgarh) ए कार्यक्रम ल मीडियम वेब 981 किलो हर्ट्ज म सुने जा सकत हे। ए कार्यक्रम ल प्रदेश म आकाशवाणी के सबो केंद्र ह एक संग प्रसारित करही।
