CG टीका वेब पोर्टल के सुभारंभ के 24 घंटा के भीतर हो गे 72 हजार ले उपर पंजीयन, पढ़व पूरा खबर
जय जोहार…. (CG) सीजी टीका वेब पोर्टल के सुभारंभ के 24 घंटा के भीतर गुरुवार मंझनिया 3 बजे तक 72269 मनखे मन ह अपन पंजीयन करा ले हे। एमा 862 अंत्योदय, 7645 बीपीएल, 2486 फ्रंटलाइन वर्कर अउ 61276 एपीएल वर्ग के मनखे सामिल हे।
ए (CG) सीजी टीका वेब पोर्टल म आनलाइन पंजीयन के संगेसंग ये सुविधा घलो हे कि बगैर मोबाइलधारी मनखे घलो जिला प्रशासन के तरफ ले पंचायत, नगरीय निकाय अउ नगर निगम समेत दूसर स्थान म स्थापित हेल्प डेस्क के सहयोग ले अपन पंजीयन ए वेब पोर्टल म करा के टीका लगवा सकत हे।
सीजी (CG) टीका वेब पोर्टल में पंजीयन के लिए लिंक http://cgteeka.cgstate.gov.in/user-registration, http://cgteeka.cgstate.gov.in म जानकारी ल अपलोड करना होही। पंजीयन के प्रक्रिया ह पूरा होय के बाद संबंधित मनखे ल टीकाकरण के स्थान अउ बेरा के जानकारी एमएसएस के माध्यम ले मिल जाही।
बता देन कि कोरोना ले बचाव बर राज्य के 18 ले 44 बच्छर के सबो वर्ग के मनखे मन बर टीका लगवाए के व्यवस्था ल सुनिश्चित करे ल सीजी टीका वेबपोर्टल के सुभारंभ ल सीएम भूपेश बघेल ह 12 मई के अपन निवास कार्यालय म करे रिहिन।
