chhattisgarh म 18 बच्छर ले ऊपर के 72 फीसद आबादी ल कोरोना ले बचाव के लगीन दूनों टीका, पढ़व
जय जोहार…. (chhattisgarh) छत्तीसगढ़ म कोरोना संक्रमण ले बचाव बर मनखे मन के तेजी ले टीकाकरण करे जावत हे। प्रदेस म एक करोड़ 42 लाख 29 हजार 367 मनखे मन ल कोरोना ले बचाव के दूनों टीका लगाय जा चुके हे। ये प्रदेश म टीकाकरण बर पात्र 18 बच्छर ले जादा के आबादी के 72 प्रतिसत हे।
राज्य म दो लाख 35 हजार 308 स्वास्थ्यकर्मी, फ्रंटलाइन वर्कर अउ 60 बच्छर ले जादा के मनखे मन ल प्रिकॉसन डोज घलो लगाय जा चुके हे। (chhattisgarh) राज्य म 18 बच्छर ले जादा के 99 प्रतिसत अउ 15 ले 18 बच्छर के 60 प्रतिसत जनसंख्या ल पहला टीका लग गेहे।
इहां 18 बच्छर ले जादा के एक करोड़ 95 लाख 15 हजार 509 मनखे अउ 15 ले 18 बच्छर के नौ लाख 82 हजार 621 किसोर मन ल कोरोना वैक्सीन के पहलइया टीका लगाय जा चुके हे। ((chhattisgarh)) दूनों आयु वर्ग म पहलइया, दुसरइया अउ प्रिकॉसन डोज ल मिलाके प्रदेस भर म अब तक (30 जनवरी तक) कुल तीन करोड़ 49 लाख 62 हजार 805 टीका लगाय गेहे ।
