corona : देस म 24 घंटा म बाढ़गे कोरोना के 21 हजार ले जादा नवा केस, 325 मरीज के होगे मउत, पढ़व

जय जोहार…. देस म पिछले 24 घंटा म कोरोना (corona ) के 21 हजार ले जादा नवा मरीज सामने आय हे। जबकि उपचार के दउरान 325 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 21 हजार 016 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 28 लाख ले जादा हो गेहे। जेमा ले 2 लाख 45 हजार ले जादा एक्टिव मामला हे।

उहें 4 करोड़ 20 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 11 हजार मरीज के मउत होगे हे।