Bemetara District के सिंचाई परियोजना बर मिलीन हे 10 करोड़ रुपिया के स्वीकृति, 800 हेक्टेयर ले जादा क्षेत्र म मिलही सिंचाई के सुविधा

जय जोहार। छत्तीसगढ़ सासन ह बेमेतरा जिला (Bemetara District) म कई ठीन सिंचाई परियोजना के निर्माण अउ सुधार काम बर 10 करोड़ 24 लाख 37 हजार रुपिया के प्रसासकीय स्वीकृति ल प्रदान करे गेहे । ए योजना के पूरा होय ले 826 हेक्टेयर क्षेत्र म सिंचाई के सुविधा मिल सकही ।

जारी प्रसासकीय स्वीकृति के अनुसार बेमेतरा जिला (Bemetara District) के विकासखण्ड-बेमेतरा के सिरवाबांधा जलाशय के जीर्णोद्धार, नहर के रिमाडलिंग अउ लाईनिंग काम बर दो करोड़ 05 लाख 87 हजार रुपिया के प्रसासकीय स्वीकृति ल प्रदान करे गेहे। ए योजना के पूरा होय ले 194 हेक्टेयर क्षेत्र म सिंचाई के सुविधा मिल सकही। विकासखण्ड-नवांगढ़ के मोहरेंगिया नाला म मानपुर एनीकट योजना काम बर दो करोड़ 08 लाख 30 हजार रुपिया के स्वीकृति ल दे गेहे । ए योजना के पूरा होय ले 149.28 हेक्टेयर क्षेत्र म सिंचाई के सुविधा मिल सकही ।

विकासखण्ड-बेमेतरा के हेम्प नदी म बैहरसरी एनीकट योजना काम बर दो करोड़ 33 लाख 68 हजार रुपिया के स्वीकृति ल प्रदान करे गेहे। ए योजना के पूरा होय ले173 हेक्टेयर क्षेत्र म सिंचाई के सुविधा मिल सकही।

अइसने बेमेतरा जिला (Bemetara District) के विकासखण्ड-बेरला के बोतका जलाशय के जीर्णोद्धार, नहरों के रिमाडलिंग अउ लाईनिंग काम बर एक करोड़ 95 लाख 28 हजार रुपिया के स्वीकृति दे गेहे। ए योजना के पूरा होय ले 160 हेक्टेयर क्षेत्र म सिंचाई के सुविधा मिल सकही। विकासखण्ड-बेमेतरा के करही जलाशय के जीर्णोद्धार अउ नहर के रिमाडलिंग अउ लाईनिंग काम बर एक करोड़ 81 लाख 24 हजार रुपिया के स्वीकृति दे गेहे। ए योजना के पूरा होय ले 150 हेक्टेयर क्षेत्र म सिंचाई के सुविधा मिल सकही।