CG : प्रधानमंत्री ग्राम सड़क योजना : स्टेट क्वालिटी मॉनिटर्स के इम्पैनलमेंट बर 20 मई तक कर सकत हे आवेदन, पढ़व
जय जोहार। (CG) छत्तीसगढ़ सासन के पंचायत अउ ग्रामीण विकास विभाग के एजेंसी छत्तीसगढ़ ग्रामीण सड़क विकास अभिकरण ह प्रधानमंत्री ग्राम सड़क योजना के अंतर्गत स्टेट क्वालिटी मॉनिटर्स के इम्पैनलमेंट बर आवेदन आमंत्रित करे हे । एखर बर कार्यपालन अभियंता या कोनो सरकारी संस्था, केंद्र या राज्य सरकार के सार्वजनिक क्षेत्र के उपक्रम या ओखर ले संबद्ध कार्यालय म समकक्ष पद ले सेवानिवृत्त सिविल अभियंता ले आवेदन मंगाए गेहे।
(CG) सासकीय इंजीनियरिंग कॉलेज, आईआईटी, एनआईटी या सरकारी अनुसंधान संस्थान म कार्यरत या सेवानिवृत्त सिविल इंजीनियरिंग म स्नातक अइसे फैकल्टी मेम्बर जेमन ल सड़क निर्माण या पुल के डिजाइनिंग, पर्यवेक्षण अउ परामर्शदाता के रूप म काम करे के अनुभव हो, एखर बर आवेदन कर सकत हे ।
इम्पैनलमेंट बर पात्रता की शर्त, स्टेट क्वालिटी मॉनिटर्स के कर्तव्य (Duty) अउ आवेदन पत्र के प्रारूप वेबसाइट www.pmgsy.nic.in (डब्लूडब्लूडब्लू डॉट पीएमजीएसवाई डॉट एनआईसी डॉट इन) म ‘डीओ एंड एसक्यूएम सलेक्शन एंड परफॉर्मेंस इवेल्यूएशन (DO and SQM selection and performance evaluation)’ शीर्षक के तहत देखे जा सकत हे । (CG) स्टेट क्वालिटी मॉनिटर्स के रूप म काम करे के इच्छुक आवेदक ह निर्धारित प्रारूप म अपन आवेदन मुख्य कार्यपालन अधिकारी, छत्तीसगढ़ ग्रामीण सड़क विकास अभिकरण, विकास भवन, सिविल लाइन, रायपुर ल 20 मई 2022 तक भेज सकत हे ।
