mahasamund : पंचायत सचिव दिवस अउ सम्मान समारोह म सामिल होइन संसदीय सचिव
जय जोहार । पंचायत सचिव संघ जनपपद पंचायत महासमुंद (mahasamund ) के तत्तावधान म गुरुवार के जनपद पंचायत परिसर म पंचायत सचिव दिवस अउ सम्मान कारीकरम के आयोजन करे गीन। एमा संसदीय सचिव अउ विधायक विनोद सेवनलाल चंद्राकर सामिल होइन । ए दउरान पंचायत सचिव संघ के सासकीयकरण के मांग म ससंदीय सचिव श्री चंद्राकर ह सासन के ध्यानाकर्षित कराय के आश्वासन दीन ।
ए कारीकरम के मुख्य अतिथि संसदीय सचिव अउ (mahasamund ) विधायक विनोद सेवनलाल चंद्राकर रिहीन । अध्यक्षता जिला कांग्रेस कमेटी के अध्यक्ष रश्मि चंद्राकर ह करीन । विसेस अतिथि के रूप म जनपद पंचायत उपाध्यक्ष त्रिलोकी राधेश्याम ध्रुव, बीज अनुसंधान समिति छग के संचालक दाउलाल चंद्राकर, सरपंच संघ के अध्यक्ष वीरेंद्र चंद्राकर, राधेश्याम ध्रुव, ममता चंद्राकर, मानिक साहू मौजूद रिहीन।
ए अवसर म मुख्य अतिथि संसदीय सचिव श्री चंद्राकर ह किहीन कि सासन के योजना ल अंतिम मनखे तक पहुंचाय के काम पंचायत सचिव करत हे । (mahasamund ) एखर आलावा सरकार के आने आने योजना अउ कारीकरम के पंचायत स्तर म क्रियान्वयन करे जात हे । वो हा पंचायत सचिव के सासकीयकरण के मांग म किहीन कि ओखर ए मांग ल लेके मुख्यमंत्री के ध्यानाकर्षित कराय के आश्वासन दीन । जेमा संघ के पदाधिकारी मन ह संसदीय सचिव श्री चंद्राकर के आभार जताइन ।
कारीकरम म प्रमुख रूप ले सचिव संघ के अध्यक्ष राजकुमार ध्रुव, बेनीराम चंद्राकर, द्वारिका यादव, नारायण साहू, चंद्रमणी चंद्राकर, लेखराम चंद्राकर, शिव पटेल, हरिदास मानिकपुरी, राजू चंद्राकर, बलराम साहू, शिव कोसरे, जीवन कोसरे, संतोष पटेल, ओमप्रकाश साहू, शंकर साहू, गंगाराम टंडन, जीवराखन बंजारे, बंशी पटेल, परमानंद साहू रिहीन।
