corona : प्रदेस म आज मिलीन हे कोरोना के 491 नवा मामला, 1 मरीज के होगे मउत

जय जोहार। (corona ) छत्तीसगढ़ म कोरोना संक्रमित मन के संख्या ह सरलग बाढ़त जात है। प्रदेस म आज कोरोना के 491 नवा मरीज के पहचान होय हे। उहें 600 मरीज ल ठीक होय के बाद अस्पताल ले छुट्टी दे दे गेहे। जबकि उपचार के दउरान 1 मरीज के मउत हो गेहे।

(corona) प्रदेस म जेन कोरोना के नवा मरीज मिले हे, ओमा दुर्ग ले 88, राजनांदगांव ले 50, बालोद ले 17, बेमेतरा ले 15, कबीरधाम ले 8, रईपुर ले 89, धमतरी ले 23, बलौदाबाजार ले 12, महासमुंद ले 16, गरियाबंद ले 2, बिलासपुर ले 15, रायगढ़ ले 22, कोरबा ले 19, जांजगीर- चांपा ले 13, मुंगेली ले 3, गौरेला-पेंड्रा-मरवाही ले 10, सरगुजा ले 12, कोरिया ले 7, सूरजपुर ले 7, बलरामपुर ले 8, जशपुर ले 21, बस्तर ले 9, कोंडागांव ले 2, दंतेवाड़ा ले 1, सुकमा ले 2, कांकेर ले 15, नारायणपुर ले 1, बीजापुर ले 4 सामिल हे।

बता देन कि (corona ) प्रदेस म कोरोना संक्रमित मरीज मन के संख्या 11 लाख 64 हजार 262 होगे हे, जेमा ले 3809 एक्टिव मामला हे। उहें 11 लाख 46 हजार 393 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14060 मरीज के मउत हो गेहे।