chhattisgarh : सीएम के बड़का फइसला, छत्तीसगढ़ म प्रारंभ करे जाही स्वामी आत्मानंद इंग्लिश मीडियम आदर्श महाविद्यालय

जय जोहार। (chhattisgarh) भूपेश बघेल ह छत्तीसगढ़ के छात्र मन के हित म बड़का फइसला लीन हे। छत्तीसगढ़ म स्वामी आत्मानंद इंग्लिश मीडियम आदर्श महाविद्यालय प्रारंभ करे जाही । इंग्लिश मीडियम स्कूल म पढ़इया लईका मन ल 12वीं के बाद उच्च शिक्षा बर अब बाहर नई जाना पड़ही। राज्य म ही अंग्रेजी माध्यम म गुणवत्तापूर्ण उच्च शिक्षा उपलब्ध होही । मुख्यमंत्री ह मुख्य सचिव ल 10 दिन के भीतर कार्ययोजना प्रस्तुत करे के निर्देश देहे।

(chhattisgarh) राज्य म चरणबद्ध रूप ले स्वामी आत्मानंद इंग्लिश मीडियम आदर्श महाविद्यालय प्रारंभ होही । पहला चरण म अवइया शैक्षणिक सत्र जून 2023 ले राज्य के प्रमुख नगर म कम ले कम 10 इंग्लिश मीडियम कॉलेज खुलही । अवइया तीन बछर म राज्य के सबो जिला मुख्यालयों म इंग्लिश मीडियम कॉलेज प्रारंभ करे जाही ।

वर्तमान म राज्य म इंग्लिश मीडियम के शासकीय महाविद्यालय नई होय के सेती राज्य के विद्यार्थी मन ल उच्च शिक्षा बर महानगर के महाविद्यालय म प्रवेश लेना पड़त हे। (chhattisgarh) महानगर म प्रवेश ले म विद्यार्थी अउ ओखर अभिभावक म बड़का आर्थिक बोझ पढ़त हे। जेमा बड़का राशि व्यय होत हे ।