chhattisgarh : सीएम ह करीन सारंगढ़-बिलाईगढ़ जिला के सुभारंभ, 540 करोड़ रुपिया के विकास काम के दीन सौगात

जय जोहार। (chhattisgarh) मुख्यमंत्री भूपेश बघेल ह आज सारंगढ़ के खेल भांठा मैदान म आयोजित समारोह म राज्य के 30 वां जिला सारंगढ़ बिलाईगढ़ के सुभारंभ करीन । वोहा नवा जिला म बुनियादी सुविधा के विकास बर 540 करोड़ रुपिया के विकास काम के सौगात घलो दीन । वोहा सारंगढ़ बिलाईगढ़ के नवा जिला के रूप म अस्तित्व म आय म बधाई अउ सुभकामना दीन।

ए अवसर म मुख्यमंत्री श्री बघेल ह किहीन कि 72 बछर के सरलग संघर्ष के बाद सारंगढ़ अलग जिला बन पाये हे । जिला के निर्माण के संघर्ष म कई पीढ़ी ह योगदान देहे । वोहा किहीन कि सारंगढ़ ल जिला बनाय म बिलाईगढ़ के महत्वपूर्ण सहयोग रिहीन हे । बिलाईगढ़ वासी मन के सहमति ले ही सारंगढ़ जिला बन पाये हे ।

सीएम श्री बघेल ह किहीन कि सारंगढ़ सुरू ले मानव जाति के सभ्यता के केंद्र रिहीन हे । कई ठीन शक्तिपीठ के संग बाबा घासीदास जी के प्रति आस्था रखइया के बहुलता हे । सारंगढ़ के दशहरा उत्सव घलो बस्तर दशहरा के तरह विख्यात हे । मुख्यमंत्री श्री बघेल ह किहीन कि कलेक्टर-एसपी के बाद दूसर जिला स्तरीय कार्यालय घलो जलदीच खुलही ।