Raipur : ‘गढ़बो नवा छत्तीसगढ़’ म प्रदेस के युवा अउ महिला मन के होही महत्वपूर्ण भूमिकाः मुख्यमंत्री

जय जोहार। (Raipur ) सीएम भूपेश बघेल ह किहीन कि गौठान डहार ले खुद के जमा पूंजी ले गोबर खरीदना गोधन न्याय योजना के बड़का सफलता हे । प्रदेस के ग्रामीण क्षेत्र के आधा ले जादा गौठान स्वयं के संसाधन ले गोबर के खरीदी करत हे । राज्य सासन ल ए गौठान ल गोबर खरीदे बर रासि दे के आवश्यकता नई पड़त हे । गोधन न्याय योजना के तहत राज्य म हितग्राही मन ल 376 करोड़ 50 लाख रुपिया के भुगतान करे गेहे ।

(Raipur ) ए योजना के अंतर्गत कोरिया जिला म विकासखण्ड बैकुण्ठपुर के मझगंवा गौठान के प्रगति महिला स्व सहायता समूह के 3 महिला मन बाड़ी के काम करत अपन आर्थिक स्थिति ल सुदृढ करत हे । संगेसंग दुसरइया महिला मन बर घलो प्रेरणास्रोत बनत हे । समूह के अध्यक्ष शमशुन निशा ह बताइन कि समूह के गठन ले वो गौठान म विभिन्न गतिविधि ले जुड़के काम करत हे । वोहा बताइन कि वर्तमान म समूह म 10 सदस्य हे, जेमा ले 3 महिला सदस्य डहार ले बाड़ी विकास के काम करत हे ।

(Raipur ) समूह के सचिव अंजुलता ह बताइन कि हमन पहिले घर न छोटा स्तर म आवश्यकता के अनुसार सब्जी लगात रिहीन अउ जब गौठान म बड़का पैमाना म समूह के महिला मन के संग मिलके काम करे के मउका मिलीन त पहिले के प्रैक्टिस ले ये काम अउ आसान हो गीन। नरवा गरूआ घुरूवा बाड़ी योजना विकास योजना के अंतर्गत बछर 2022-23 म अद्यतन 98690 बाड़ी ल विकसित कर ले गेहे। प्रदेस म निर्मित 8408 गौठान म 39090 हितग्राही मन के संग 4429 सामुदायिक बाड़ी संचालित हे ।