CM Bhupesh Baghel ह आज लालपुर, अमरटापू धाम, कुम्हारी बस्ती अउ सेक्टर-6 भिलाई म गुरू घासीदास जयंती कार्यक्रम म होही सामिल

जय जोहार। सीएम भूपेश बघेल (CM Bhupesh Baghel) ह आज मुंगेली जिला के लालपुर, अमरटापू धाम अउ दुर्ग जिला के कुम्हारी बस्ती अउ सेक्टर-6 भिलाई म गुरू घासीदास जयंती कार्यक्रम म सामिल होही ।

जारी दउरा कार्यक्रम के अनुसार सीएम भूपेश बघेल (CM Bhupesh Baghel) ह आज मंझनिया 12 बजे ले पेंशनबाड़ा रायपुर म अनुसूचित जाति, जनजाति अउ अन्य पिछड़ा वर्ग संघ के कार्यक्रम म सामिल होही। एखर बाद हेलीकॉप्टर ले मुंगेली जिला के लालपुर गांव जाही । सीएम ह उंहा मंझनिया 1.20 बजे ले गुरू घासीदास जयंती कार्यक्रम म सामिल होही ।

एखर बाद सीएम भूपेश बघेल (CM Bhupesh Baghel) ह उंहा ले मोतिमपुर (अमरटापू धाम) जाही अउ ,मंझनिया 2.55 बजे ले 3.35 बजे तक गुरू घासीदास जयंती कार्यक्रम म भाग लेही । मुख्यमंत्री ह एखर बाद दुर्ग जिला के कुम्हारी बस्ती म 4.20 बजे अउ सेक्टर-6 भिलाई म 5.15 बजे ले आयोजित गुरू घासीदास जयंती कार्यक्रम म सामिल होही । मुख्यमंत्री ह एखर बाद उंहा ले सेक्टर-3 भिलाई स्थित मुख्यमंत्री निवास बर प्रस्थान करही । मुख्यमंत्री ह भिलाई-3 म रात्रि विश्राम करही ।