CM Bhupesh Baghel ह करीन बड़का घोसना : संभाग म खुलही अनुसूचित जाति -पिछड़ा वर्ग बर नवा प्रयास विद्यालय अउ छात्रावास

जय जोहार । सीएम भूपेश बघेल (CM Bhupesh Baghel) ह गुरू बाबा घासीदास के जयंती म अनुसूचित जाति अउ पिछड़ा वर्ग के विद्यार्थी मन ल बड़का सौगात दीन हे । वोहा राजधानी रायपुर म आयोजित कार्यक्रम म सबो संभागीय मुख्यालय म अनुसूचित जाति अउ पिछड़ा वर्ग के विद्यार्थी मन बर प्रयास विद्यालय प्रारंभ करे के घोसना करीन । एखर आलावा वोहा ए वर्ग बर पृथक-पृथक छात्रावास अउ नगर निगम रायपुर डहार ले पेंशन बाड़ा स्थित अनुसूचित जाति पोस्ट मैट्रिक बालक छात्रावास म 50 लाख रुपिया के लागत ले ई-लाईब्रेरी प्रारंभ करे के घोसना करीन ।

सीएम भूपेश बघेल (CM Bhupesh Baghel) ह सासकीय आदर्श पोस्ट मैट्रिक अनुसूचित जाति बालक छात्रावास पेंशनबाड़ा म आयोजित बाबा गुरू घासीदास जंयती समारोह म किहीन कि गुरुघासीदास जी एक अइसे संत रिहीन जेमन ह मानवता ल बचाए बर मानव-मानव एक समान के संदेस देहे । संगेसंग वोहा समाज म फैले कुरूति ल दूर करे बर समानता, भाईचारा, प्रेम अउ सद्भाव के घलो संदेस देहे ।

सीएम भूपेश बघेल (CM Bhupesh Baghel) ह किहीन जिनगी म कोन व्यक्ति, कहां, कोन धर्म म , कोन स्थान म जन्म लेही , एखर ले कोन फर्क नई पड़त। हमन अच्छा सिक्षा ले व्यक्तित्व ल निखार सकत हन अउ जिनगी म सफलता प्राप्त कर सकत हन। छत्तीसगढ़ सरकार घलो लईका मन ल गुणवत्ता पूर्ण अच्छा सिक्षा दे बर परयास करत हन।