जय जोहार । छत्तीसगढ़ (chhattisgarh) म समर्थन मूल्य म किसान मन ले अब तक 69.12 लाख मीट्रिक टन धान के खरीदी करे गेहे । धान खरीदी के एवज म राज्य के 17 लाख 3 हजार 828 किसान मन ल लगभग 14,369 करोड़ रुपिया के भुगतान ल बैंक लिंकिंग व्यवस्था के तहत करे गेहे ।
धान खरीदी के संगेसंग कस्टम मिलिंग बर सरलग धान के उठाव जारी हे । अब तक 52.33 लाख मीट्रिक टन ले जादा धान के उठाव बर डीओ जारी करे गेहे, जेखर एवज म मिलर डहार ले 41 लाख 50 हजार मीट्रिक टन धान के उठाव करे गेहे। (chhattisgarh) खाद्य विभाग के सचिव टोपेश्वर वर्मा ह बताइन कि ए बछर राज्य म 25.92 लाख किसान मन के पंजीयन होए हे, जेमा ले लगभग 2.26 लाख नवा किसान सामिल हे ।
अधिकारी ह बताइन कि आज 39 हजार 371 किसान मन ले 1.81 लाख मीट्रिक टन ले जादा धान के खरीदी करे गेहे, एखर आलावा ऑनलाइन प्राप्त टोकन के जरिए किसान मन के लगभग 64 हजार टन ले जादा धान के घलो खरीदी होए हे । अवइया दिवस के धान खरीदी बर 52,648 टोकन अउ ”टोकन तुंहर हाथ एप” के जरिये 12,649 टोकन ऑनलाइन जारी करे गेहे ।
