जय जोहार । सीएम भूपेश बघेल (CM Bhupesh Baghel) ह स्वतंत्रता संग्राम सेनानी, समाज सुधारक अउ प्रसिद्ध साहित्यकार स्वर्गीय पंडित सुंदरलाल शर्मा के 28 दिसम्बर के पुण्यतिथि म ओमन ल नमन करीन हे । सीएम श्री बघेल ह छत्तीसगढ़ बर श्री शर्मा के अमूल्य योगदान ल याद करत हुए किहीन कि श्री शर्मा जी स्वतंत्रता संग्राम के दउरान कई ठीन राष्ट्रीय आंदोलन ले जुड़ीन अउ छत्तीसगढ़ म स्वाधीनता आंदोलन के मजबूती बर काम करीन ।
श्री शर्मा ह किसान मन के अधिकार के लड़ाई के रूप म प्रसिद्ध कंडेल सत्याग्रह के प्रमुख सूत्रधार रिहीन । वोहा ग्रामीण इलाका म फैले अंधविश्वास, छुआ-छूत, रूढ़िवादिता जइसे कुरीति ल दूर करे बर अथक परयास करीन । वास्तव म पंडित सुंदरलाल शर्मा ह छत्तीसगढ़ म जनजागरण अउ सामाजिक क्रांति के अग्रदूत रिहीन । श्री बघेल ह किहीन कि पंडित सुंदरलाल शर्मा के विचार मूल्य हमन ल सदा प्रेरणा देत रही ।
Other Articles
