chhattisgarh : 6 ठीन सिंचाई योजना बर मिलीन 19.48 करोड़ रुपिया के स्वीकृति
जय जोहार। छत्तीसगढ़ (chhattisgarh) सासन ह प्रदेस के छह ठीन सिंचाई परियोजना के काम ल कराय बर 19 करोड़ 48 लाख 98 हजार रुपिया स्वीकृत करे हे। ए योजना के पूरा होय ले 995 हेक्टेयर क्षेत्र म सिंचाई सुविधा मिल सकही । स्वीकृत सिंचाई योजना म गौरेला केंवची व्यपवर्तन योजना के शाीर्ष काम के सुदृढ़ीकरण अउ नहर म सीमेंट कांक्रीट लाईनिंग काम बर दो करोड़ 70 लाख 45 हजार रुपिया स्वीकृत करे गेहे । ए योजना के पूरा होय ले 98 हेक्टेयर क्षेत्र म सिंचाई सुविधा मिल सकही।
गौरेला के तिपान नदी व्यपवर्तन के नहर के सीमेेंट कांक्रीट लाईनिंग काम बर तीन करोड़ 65 लाख 40 हजार रुपिया स्वीकृत करे गेहे। ए योजना के पूरा होय ले 350 हेक्टेयर क्षेत्र म सिंचाई सुविधा मिल सकही । सेंदरीपानी जलासय योजना के शीर्ष काम के सुदृढ़ीकरण अउ नहर म सीमेंट कांक्रीट लाईनिंग काम बर दो करोड़ 82 लाख 69 हजार रुपिया स्वीकृत करे गेहे । ए योजना के पूरा होय ले 249 हेक्टेयर क्षेत्र म सिंचाई सुविधा मिल सकही। बिलासपुर जिला के पकरिया जलासय योजना के शीर्ष काम के सुदृढ़ीकरण अउ नहर म शेष सीमेंट कांक्रीट लाईनिंग काम बर तीन करोड़ 47 लाख 10 हजार रुपिया स्वीकृत करे गेहे । ए योजना के पूरा होय ले 298 हेक्टेयर क्षेत्र म सिंचाई सुविधा मिल सकही।
जल संसाधन कालोनी पेण्ड्रारोड परिसर स्थित कार्यालय भवन अउ आवासी भवन के नवीनीकरण काम अउ सीमेंट कांक्रीट सड़क नाली निर्माण अउ नवा विद्युत वायरिंग काम बर तीन करोड़ 85 लाख 19 हजार रुपिया स्वीकृत करे गेहे। बिलासपुर स्थित मुख्य अभियंता कार्यालय, कुदुदण्ड, नूतन, सकरी आवासीय परिसर के जीर्णोद्धार अउ मरम्मत काम अउ उप संभागीय कार्यालय के भवन निर्माण काम बर दो करोड़ 98 लाख 15 हजार रुपिया स्वीकृत करे गेहे।
