![CM Bhupesh Baghel ह आज कोरबा जिला के कटघोरा विधानसभा क्षेत्र म करही भेंट-मुलाकात cm bhupesh e1660568761201](https://jayjohar.com/wp-content/uploads/2021/01/cm-bhupesh-e1660568761201.jpg)
CM Bhupesh Baghel ह आज कोरबा जिला के कटघोरा विधानसभा क्षेत्र म करही भेंट-मुलाकात
जय जोहार। सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात अभियान के तहत आज कटघोरा विधानसभा क्षेत्र के ग्राम नोनबिर्रा अउ रंजना म आमजनता ले भेंट-मुलाकात करही। ए दउरान ओखर समस्या अउ आवेदन के निराकरण करे के संग ही सासन के योजना के क्रियान्वयन के संबंध म फीडबैक लेही।
निर्धारित दउरा कार्यक्रम के अनुसार सीएम भूपेश बघेल (CM Bhupesh Baghel) ह बिहनिया 11 बजे पुलिस ग्राउण्ड हेलीपेड रायपुर ले हेलीकाॅप्टर डहार ले प्रस्थान करही अउ 11.50 बजे कोरबा जिला के कटघोरा विधानसभा क्षेत्र के ग्राम नोनबिर्रा पहुंचही, उंहा सीएम ह मंझनिया 12 बजे आम जनता ले भेंट-मुलाकात करही । ए कार्यक्रम के बाद सीएम ह मंझनिया 2 बजे ग्राम रंजना पहुंचही। उंहा सीएम ह स्व. राजीव गांधी के प्रतिमा के अनावरण करही । सीएम ह मंझनिया 2.50 बजे ग्राम रंजना म आमजनता ले भेंट-मुलाकात करही ।
कार्यक्रम के बाद ग्राम रंजना ले सीएम भूपेश बघेल ह संझा 4.25 बजे हेलीकाॅप्टर ले प्रस्थान कर 4.35 बजे कटघोरा पहुंचही। इंहा मुख्यमंत्री श्री बघेल ह कटघोरा म संझा 5.40 बजे विभिन्न विकास काम के लोकार्पण अउ सिलान्यास करही अउ विभिन्न समाज के प्रतिनिधिमंडल ले भेंट करही । ए कार्यक्रम के बाद सीएम ह संझा 7 बजे कटघोरा ले प्रस्थान कर रात्रि 8.15 बजे बिलासपुर के पटेल मैदान दयालबंद पहुंचही । एखर बाद मुख्यमंत्री श्री बघेल ह रात 9.30 बजे बिलासपुर सर्किट हाउस पहुंचेंगे अउ उंहा रात्रि विश्राम करही।