CM Bhupesh Baghel ह संस्कृति विभाग के दू ठीन नवा योजना ल दीन स्वीकृति
जय जोहार। (CM Bhupesh Baghel ) छत्तीसगढ़ के समृद्ध, पुरातत्व अउ ऐतिहासिक धरोहर ले जनता अउ महाविद्यालयीन, स्कूली लईका मन ल परिचित कराय बर मुख्यमंत्री भूपेश बघेल ह संस्कृति विभाग के दू ठीन नवा योजना ल मंजूरी दीन हे। वित्तीय बछर 2023-24 म मुख्यमंत्री विरासत झरोखा योजना अउ मुख्यमंत्री धरोहर दर्शन योजना प्रारंभ करे जाही ।
सीएम भूपेश बघेल ह अपन निवास कार्यालय म होइन संस्कृति विभाग के बइठक म विस्तृत विचार-विमर्श के बाद वित्तीय बछर 2023-24 बर ए नवा योजना ल प्रारंभ करे के प्रस्ताव ल मंजूरी दीन हे । मुख्यमंत्री विरासत झरोखा योजना म हरेक बछर राज्य के प्रत्येक जिला ले दो महाविद्यालय/शासकीय कार्यालय के चयन करे जाही। चयनित महाविद्यालय/शासकीय कार्यालय म ऐतिहासिक अउ पुरातात्विक धरोहर के प्रतिकृति काके प्रदर्शन करे जाही।
अइसने मुख्यमंत्री धरोहर दर्शन योजना के उद्देश्य राज्य शासकीय-अर्द्धशासकीय ( अनुदान प्राप्त) स्कूल, महाविद्यालय म अध्ययनरत विद्यार्थी मन ल अंचल के ऐतिहासिक धरोहर के प्रति जागरूक करे अउ ओमा धरोहर के प्रति उत्तरदायित्व का बोध कराय ल स्कूल-महाविद्यालय ल प्रोत्साहित करना हे । ‘मुख्यमंत्री धरोहर दर्शन योजना’ बर हरेक बछर राज्य के प्रत्येक जिला के 3 स्कूल/महाविद्यालय के चयन करे जाही।
