CM Bhupesh Baghel ह राष्ट्रपिता महात्मा गांधी के पुण्यतिथि म करीन नमन

जय जोहार । सीएम भूपेश बघेल (CM Bhupesh Baghel) ह राष्ट्रपिता महात्मा गांधी के पुण्यतिथि 30 जनवरी के अवसर म ओमन ल नमन करीन। सीएम श्री बघेल ह महात्मा गांधी समेत देस के अमर शहीद ल श्रद्धांजलि अर्पित करत हुए किहीन कि देस म प्राण न्यौछावर करइया वीर बलिदानी के ऋण कभू नई चुकाए जा सकत।

भारत के आजादी बर महात्मा गांधी के अतुल्य योगदान ल याद करत हुए सीएम श्री बघेल ह किहीन कि गांधी जी ह पूरी दुनिया ल दिखाए हे कि सत्य अउ अहिंसा के मार्ग म डटे रहके कइसे बड़का लक्ष्य ल हासिल करे जात हे । राज्य सरकार घलो गांधी जी के दिखाए गे मार्ग म चलत हुए काम करत हे । सीएम ह किहीन कि बापू ह भारतीय समाज के बुनियाद ल समझके अंतिम व्यक्ति के चिंता करीन । ससक्त इरादा के सँग आगू बढ़े बर बापू के विचार मूल्य हमन ल सदा प्रेरित करत रही ।