CM Bhupesh Baghel ह चंदूलाल चंद्राकर के पुण्यतिथि म करीन नमन
जय जोहार। मुख्यमंत्री भूपेश बघेल ((CM Bhupesh Baghel)) ह आज अपन निवास कार्यालय म छत्तीसगढ़ के प्रखर पत्रकार अउ पूर्व सांसद चंदूलाल चंद्राकर के पुण्यतिथि म ओखर छायाचित्र म पुष्प अर्पित कर नमन करीन । ए अवसर म कृषि मंत्री रविन्द्र चौबे अउ डोंगरगांव विधायक दलेश्वर साहू घलो उपस्थित रिहीन ।
सीएम भूपेश बघेल (CM Bhupesh Baghel) ह श्री चंद्राकर के अमूल्य योगदान ल याद करत हुए किहीन कि चंदूलाल ह कई घांव लोकसभा म सांसद निर्वाचित होइन । वोहा कई महत्वपूर्ण विभाग के मंत्री पद के दायित्व ल संभालत हुए देस अउ प्रदेस के विकास बर महत्वपूर्ण काम करीन । छत्तीसगढ़ राज्य निर्माण सर्वदलीय मंच के अध्यक्ष के रूप म वोहा छत्तीसगढ़ राज्य आंदोलन ल नवा दिसा प्रदान करीन ।
सीएम श्री बघेल ह किहीन कि चंदूलाल जी ह मूल्य आधारित निष्पक्ष अउ निर्भीक पत्रकारिता बर घलो जाने जात हे। चंदूलाल जी ह राष्ट्रीय स्तर के संपादक घलो रिहीन। कई ज्वलंत मुद्दा म वोहा निडरता ले आवाज उठाईन। वोहा अपन प्रखर व्यक्तित्व और अउ निर्भीक पत्रकारिता ले देस म छत्तीसगढ़ के नाव रोशन करीन । राज्य सरकार ह ओखर स्मृति म पत्रकारिता के क्षेत्र म चंदूलाल फेलोशिप स्थापित करे हे ।
